من دبلومة الكيمياء الحيوية.. إلى نجاح في امتحان الـ CPC بنتيجة 91%
بطلتنا النهاردة.. أم طموحة بتحقق أحلامها بالشكل اللي يناسبها ويناسب ظروفها وأولادها.. د/ رنا جابر!
” أنا أخدت دبلومة الكيميا الحيوية عشان أفتح معمل تحاليل، بس اتصادف إني أخدت الدبلومة في السنة اللي جت فيها الكورونا، والشغل لأغلب الناس كان من البيت، وطبعًا لو هفتح معمل أو أشتغل في معمل، صعب يكون من البيت…
وفي نفس الوقت كان صعب إني أنزل أشتغل في المعمل، عشان خايف على أولادي من التعرض لأي عدوى بسببي، وابتدت رحلتي اللي كنت بدور فيها على شغل يناسبني، ويناسب ظروفي، شغل ينفع أشتغله من البيت…
وصادف إني شوفت إعلان كورس التكويد الطبي من أكاديمية إنوفاتيف، وعرفت إني ممكن أشتغل ريموتلي، ولما دورت وبحثت عن المجال دا، حسيته لذيذ وعرفت إنه لسه جديد، وإنه اتطبق برا مصر، وعادة المجالات اللي زي دي بيكون ليها مستقبل كويس بعد كدا…
توكلت على الله وأخدت الكورس، واتحمست أكتر ودخلت الامتحان، لإني فعلًا حبيت المجال أوي، وطول ما الواحد شغال فيه بيتعلم كل يوم حاجات جديدة تخليه يدور كتير ويقرأ كتير، عشان يوصل للمعلومة الصح!
بعد ما خلصت الامتحان كملت في كورس الـ Auditing وكورس الـ Mapping، وبعدها دخلت في Freelancing projects معاكم، تبع نفيس، وكنت بقدم على شغل وأروح أنترفيوهات.. ساعات بتقبل، بس ظروف الشغل مش بتناسبني، وساعات بترفض بس بكون استفدت من خبرة الأسئلة اللي اتسألتها والتعامل مع الناس..
وبعدين اترشحت لتدريب صحة تك اللي كان بالتعاون مع أكاديمية إنوفاتيف، وربنا كرمني وبقيت معاهم”…
دي كانت قصة لواحدة من أبطال أكاديمية إنوفاتيف، اللي قدرت تجمع بين مهام الأمومة، والبحث عن شغفها، ووصلت وحققت أهدافها…
أنتِ كمان تقدري تحققي حلمك مع إنوفاتيف